Bakslagið IV.

Í þættinum heyrum við af stöðu mála meðal yngri kynslóðarinnar. Hrefna Þórarinsdóttir, forstöðukona hinsegin félagsmiðstöðvarinnar, segir frá líðan þeirra ungmenna sem leita til þeirra í hverri viku. „Ég hef aldrei upplifað ástandið eins krefjandi og erfitt og einmitt núna,“ segir hún. Í kjölfar óvæginnar umræðu, sem hefur blossað upp annað slagið í umræddu bakslagi, hefur málum tengdum sjálfsskaða fjölgað, greinir hún frá. 

Einnig kynnum við okkur trans teymi barna og unglinga. Rætt er við Björn Hjálmarsson, barnageðlækni og Ragnar Bjarnason, innkirtlalækni barna um starfsemi teymisins, algengar ranghugmyndir á samfélagsmiðlum og framsækna löggjöf sem tryggir tilverurétt trans fólks á Íslandi. „Það sem okkur dreymir um er að kynvitund barnsins fái að vaxa fram því það er lykillinn að farsæld og hamingju barnsins á fullorðinsaldri að það fái að vera það sjálft.“

Hosted on Acast. See acast.com/privacy for more information.