بودكاست عوافي

ضيف الحلقة
مساعد الرشيد

سولفنا مع ضيفنا الرهيب مساعد الرشيد عن أصول الشاورما، وإيش الإضافات اللي تخرب الشاورما، وأعطانا خيرو وصفات من خلطاته الغريبة. بعدها حددنا معايير اختيار المطعم، وإيش هو السحور المناسب، وتكلمنا عن أفضل أصناف النواشف، وتفضيلات الأكل بشكل عام، والوجبات الشتوية، وعن رحلة البحث عن أفضل بروستد بالرياض، وجاوبنا على أسئلة المتابعين واستشارات المطاعم، وبعدها سولفنا عن الفود بلوقرز ومقاطع الأكل. ونصحنا مساعد بالسيارات الصينية وقال إنها المستقبل، لكنه حذرنا من نظام الطيبات! وأخيرًا، لعبنا مع شدة لعبة شم ولا تذوق.

سولفنا عن أصعب لحظات الانتظار، ومتى تسحب على المواعيد، ومتى تتحول الشجاعة إلى دلاخة، وأكثر الوظائف اللي تتطلب شجاعة. وعرفنا مصطلح «قوفي» وتعريف الكرنج، وبعدها تكلمنا عن الفشلة والمواقف اللي تصير لك لما تفشل. وسألنا لو عوافي مو عوافي وش بيكون؟ وبالنهاية لعبنا لعبة وش الكلمة؟

سولفنا عن تجارب الدبلجة السعودية خاصة توي ستوري بالسعودي، وعرفنا ترند 67 وكيف ومتى يستخدم وشكله أعجبنا، وتكلمنا عن الحسد وأن العين حق، وسولفنا عن البروتوكولات الاجتماعية اللي لازم نتبعها، وهل لازم تواجه مشاكلك ولا تبعد عن الشر وتغني له، وكيف ترفض باحترام، وسولفنا عن آداب رسائل الواتساب، وآخر شيء لعبنا لعبة الزوم إن.

سولفنا عن الاحتفالات في اليوم الوطني وكيف كانت الاحتفالات قبل والحين وسولقنا عن إعلانات اليوم الوطني والأغاني اللي تهيض المشاعر، ولعبنا لعبة من أكون وحابين نحيطكم علم بأن لجنة النزاهة والمنازعات تنفي كل الاتهامات الباطلة فيما صدر من بعض الأشخاص من التشكيك في نزاهة اللجنة ومن يفوز في اللعبة هو يستحق الفوز بشكل كامل

استفردنا بعبدالله الحسين وكشفنا أسرار خفية وسولفنا عن التمييز بين يصير خير وعوافي، وسولفنا عن الاهتمامات الغريبة ومصطلحات الجيل الجديد وعن راينا في حلقات يصير خير وعوافي، وسولفنا عن الأبوبة أو الأبوية أو الأبوة ما ندري وش الصح منهم، وسولفنا عن الأعمال السابقة وخلف الكواليس، ومواقف تصير مع الجمهور، وأشياء مستفزة، وانتهت الحلقة بهواش وإسقاطات ومطالبات

ضيف الحلقة
عبدالله الحسين

سولفنا عن الصيف والناس اللي يحبونه أكثر من الشتاء، وتكلمنا عن اختراعات تاريخية، والمهارات اللي لازم نكتسبها في الحياة، ثم انضم لنا ضيف مميز كلّمنا عن دراسته في اليابان وعلّمنا أشياء عن الثقافة اليابانية، ثم ناقشنا موضوع التواصل مع الناس اللي ما نعرفهم، وقارنا بين اللغة العربية واليابانية، وآخر شيء لعبنا لعبة خمّن اللغة.

سولفنا عن الحنكة والسطحية في الرياضة والأفلام والحياة، وعن فعاليات ودنا تصير، وتناقشنا حول أفضلية أنك تكون أب صارم أو حبيّب، وعن وش الأشياء اللي تنسمع في السيارة، وتكلمنا عن إمكانية تعبير الرجل لمشاعره، وآخر شيء لعبنا اللعبة الرهيبة مين في الصورة.

جاوبنا على أسئلتكم من التعليقات وسولفنا عن أنواع الشخصيات الباردة والحارة وعن الأشياء اللي ممكن تندثر مع الوقت، وطرحنا أسئلة عن الأمور اللي ممكن يغيرها الواحد في نفسه ولعبنا لعبة الرسمة الأفضل وكان في تحيز واضح لأحد الأطراف.

سولفنا عن القرارات الخطأ وكيف ممكن نتجنبها، وعن المشاورة ومتى تكون مفيدة، وعن المعايير في الأشياء، ووقفنا عند بعض المواضيع مثل الأطفال والمحتوى الخاص فيهم، وتكلمنا عن المعلومات اللي نسمعها بعد كلمة "يقولون"، وختمنا بلعبة فيفا.

سولفنا عن مقاطع الذكاء الاصطناعي وتأثيرها على المحتوى، وعن الدايت وكيف أحيانًا يضيع الالتزام، وعن مستقبل التقنية واختراعات ودنا تصير، وتكلمنا عن السفر والمرونة فيه، وفكرة سفر الشخص لحاله، وتكلمنا عن أقسام المخ وطريقة تفكير الإنسان، وختمنا بلعبة السماعة.

سولفنا عن طقوس مشاهدة الأفلام وكيف نوصف لأحد فيلم بدون حرق، وعن الأشياء اللي تقهرنا بالسينما وأفضل الأفلام اللي شفناها، وتكلمنا عن الأنمي والتأقلم مع التغييرات وفوبيا الطيران وأسماء الفوبيات الغريبة، وختمنا بلعبة الميدان.

سولفنا عن التشجيع ومدربين الحياة، وتطوير الذات، وعن التخطيط، وتكلمنا عن الهبات الرهيبة والهبات اللي المفروض توقف، واجتماعات الأونلاين وخرابات البيت والبيوت القديمة، وعن الفرق بين المدينة والمحافظة، وختمنا بلعبة صادق وإلا.

سولفنا عن النوادي الرياضية وحماس البدايات، وعن أسئلة العزايم الكريهة وصار الوضع فضفضة، وعن السلف والتسول، وعن الذب والتنمر، وطلعنا بكم نصيحة اجتماعية، وسولفنا عن الخصوصية واللي ياخذ موقف سيارتك، وعن أسماء الناس الغريبة بجوالاتنا، وعن الكذب وختمنا الحلقة بفقرة مقطع وتعليق

سولفنا عن عالم الألعاب وفرضيات “ماذا لو”، وعلقنا على تعليقاتكم، وصارت شوي تصفية حسابات، وسولفنا عن متى تثبت الشخصية والوحدانية، وعن السفر بخريطة ولو انقطع النت عن العالم، وسولفنا عن عن الصداقات وتطبيقات التعارف، وعن كلانات اليوتيوب، وختمنا بلعبة خمن الكلمة من الصورة.

سولفنا عن العيديات وتجميعها، ووش بقى من فطور رمضان، وسيارة عبدالرحمن، ودخولياته بكأس العالم، وأكرمناه شوي، وسولفنا عن جدول العيد ومصايب العيد ومتى تكبر على العيدية ومتى تبدأ تعطي عيدية، والسفر في العيد وغيبوبة العيد، وجمعات العيد وسفراته وهموم السفر والطيران، وصارت شوية شخصنة، وكانت فقرات الحلقة لعبة الاترجال ولعبة الشخصيات، وللأسف في رسالة حزينة نهاية الحلقة