Café federal

I vegn ditg ch'els hajan ina pussanza enorma. I vegn ditg ch’els èn quels che decidan nua via, quels che incasseschan ina massa raps ed era ch’els èn quels che fan cussegliers federals: numnadamain ils purs e las puras. Tge constat e tge betg? Nus avain dà in sguard pli precis sin ina branscha che pertutga nus tuttas e tuts.

Per la pli nova episoda dal Café federal è RTR sa fatschentà cun la neutralitad. Cun la guerra en l'Ucraina e la guerra en Iran èn las discussiuns enturn la rolla da la Svizra grondas. Quai sa mussa era tar in’iniziativa ch'è actualmain vegnida tractada en il parlament.

Avais vus savì che pir cun l'OSCE han ils ministers da l'exteriur svizzers propi cumenzà a far viadis ordaifer la Svizra? En questa episoda prendain sut la marella l'Organisaziun per segirezza e collavuraziun in Europa, che la Svizra presidiescha quest onn. Ina onur, ma er ina sfida che mainia gronda responsibilitad, di il cusseglier federal Ignazio Cassis.

Tenor il president american fiss la Svizra betg la Svizra senza l’America. En in pled al WEF ha Donald Trump fatg renfatschas envers la Svizra. Gist suenter è'l s'inscuntrà cun il Cussegl federal. Quel ha fatg sco sche nagut na fiss. È quai la gista strategia U sto la Svizra chattar novs alliads?

El na vul betg esser il clown e la cardientscha è per el in impurtant compass. L’entschatta da december daventa il Grischun Stefan Engler da la partida «Il Center» president dal Cussegl dals chantuns. En il Café federal tradescha il politicher da 65 onns pertge ch’el na respunda nagins telefons la fin d’emna e daco ch’el n’è betg in tschitschacameras.

Temp per far bilantscha. Avant dus onns ha cumenzà la nova legislatura a Berna. Nus guardain tgi da las parlamentarias e parlamentaris grischunas ch’era il pli «husli» e nus dain in sguard en las autras regiuns da la Svizra per guardar tge che ha preoccupà en quels dus onns.

Co statti cun il français federal? Daventa il foss da rösti pli grond? Quant pluriling è il parlament? Daco è la lingua in factur per accelerar ina carriera politica? Remplazza l'englais las linguas naziunalas? Quant ferm è la plurilinguitad en Svizra sut squitsch? En questa epsioda dal Café federal discutain precis questas dumondas.

Ils dazis americans han schoccà Berna. Nagin avess spetgà che il president Donald Trump decida da dar in dals pli auts dazis a la Svizra. Nus raquintain tge ch'è succedi davos las culissas da las redacziuns e quai cun in giast spezial: Il correspondent da RSI Daniele Papacella.

Il dachasa è davent. Entaifer paucas secundas han 3,5 milliuns meters cubic muntogna e vadretg sutterrà la vischnanca da Blatten en il Vallais. Enturn 300 persunas han pers tut. Lur chasas, lur rauba dentant era lur structura sociala en la vischnanca. Nus ans essan dumandads en questa episoda dal Café federal tge ch'ina tala catastrofa fa cun ina vischnanca e tge che la politica duai ni sto far. Dentant dain nus era in sguard davos las culissas da la rapportaziun nua ch’i è dumandà gronda sensibilitad.

Il funeral da papa Francestg e l’elecziun da papa Leo XIV han mussà: Il papa è in megastar. Schef da stadi dal Vatican e parsura da la baselgia roman-catolica cun 1,4 milliardas cartentas e cartents. Ma è il papa ina pussanza politica? Ha el influenza en il mund politic? Qua la resposta clera.

Uss èsi cler. Il nov Cusseglier federal ha num Martin Pfister. Dentant èn ils dus candidats predestinads per als scumbegliar: els sumeglian ed ils nums han procurà per confusiuns. E las elcziuns èn era stadas material per las salmiras a Basilea. Infurmativ e cun istorgias davos las culissas guardain nus sin las elecziuns ensemen cun dus giasts spezials: Prisca Bundi e Gian Carlo Candinas.

Ils 23 da favrer èn var 60 milliuns Tudestgas ed Tudestgs clamads a l’urna. I vala d’eleger ils represchentants e las represchentantas en il Bundestag, il parlament da la Germania. Il medem mument decidan noss vischins era davart la regenza futura. Suenter che la coaliziun da la SPD, Bündnis 90/Die Grünen e la FDP è dada dapart, han ils conservativs da la CDU e da la CSU bunas schanzas da metter il nov chancelier. En la «Marella» dain nus in sguard sin il sistem electoral da la Germania ed illuminain la situaziun economica dal pajais che ha, sper il tema da la migraziun, in’influenza essenziala sin la decisiun da las electuras e dals electurs. Ultra da quai vegnin nus a discutar davart la relaziun tranter la Svizra e la Germania ch’è marcada d’ina lunga istorgia e che n’è betg adina stada simpla. In auter tema da nossa emissiun è il success remartgabel da la partida «Alternative für Deutschland». Naschida avant dudesch onns sco partida eurosceptica è l’AfD sa sviluppada ad ina partida per part radicala da dretga che pudess tenor retschertgas recaltgar 20 pertschient da las vuschs.

Suenter la pausa da stad cumenza cun in tema heical per la democrazia. Singulas firmas che rimnan suttascripziuns hajan sfalsifitgà quellas en stil grond. La Procura publica investighescha. En questa episoda dal Café federal discuteschan Jon Pult e Martin Candinas davart il cas.

Ina giada ad onn, durant la sessiun da stad, van parlamentarias e parlamentaris sin viadi. Pertge che Anna Giacometti giess gugent cun Martin Candinas e Roman Hug cun la partida verda pudais vus tadlar en il Café federal.

Duas giadas Wolodimir Selenski – duas experientschas differentas. A Berna ha Adrian Camartin spetgà uras sin il president ucranais e n'ha betg dastgà ir sulet sin tualetta. A savair vegnis er pertge che Fabia Caduff ha suà malgrà la fradaglia ed ha prest inscuntrà Bill Gates.

Plans secrets, tensiun ed inscunters davos ischs serrads. Las elecziuns dal Cussegl federal han electrisà la Rumantschia. Nus tradin co nus avain passentà quest di ed avain discurrì cun il bunamain cusseglier federal Jon Pult.

Ella è secretaria generala da l'Allianza dal Center ed el da la Partida liberaldemocratica. En ina stretga cursa han las dus partidas cumbatti per plazza trais. Suenter sbagls da calculaziun resta la PLD avant l'AdC. Dentant tge è capità davos las culissas?

Ella è secretaria generala da l'Allianza dal Center ed el da la Partida liberaldemocratica. Il job è il medem, ma las opiniuns differentas. Mintgatant saja lur job era da dar ina pajada en tgil. L'ultima fasa dal cumbat electoral munta per els ina massa lavur.

Cun el n'aveva nagin quintà. Alain Berset, il president da la Confederaziun, na vul betg pli. Ina surpraisa er per il team RTR en Chasa federala. En la novissima episoda discuteschan els davart candidatas, strategias e fan dispita tge ch'è ina buna dumonda.

Straglischa la democrazia Svizra mo perquai ch'autras èn pli malas? Datti ina democrazia ideala? Stuess ins eleger il parlament cun trair la sort? È la decisiun da betg vuschar er democratica? Resposta dat Andreas Glaser ch'è professer per giurisprudenza è directur dal center per democrazia Aarau.

Ella è secretaria generala da l'Allianza dal Center ed el da la Partida liberaldemocratica. Il job è il medem, ma las opiniuns differentas. Mintgatant datti era dispita, dentant cun ina biera sa laschan metter da la vart las differenzas dals dus Rumantschs che mainan las campagnas electoralas.