Skip to content

GAUDE alkarteak jasoko dau Leioako Eguneko saria

October 28, 2026 · 1 min

Show notes

Leioak 500 urte bete dauz, eta urteurren berezi hori ospatzeko, Udalak hainbat ekitaldi antolatu dauz urriaren 30erako eta 31rako. Leioa Egunean, barikuan, herriko alkarteak omenduko dabez Artatza jauregian, eta GAUDE alkarteak jasoko dau Leioa Eguneko saria. Zapatuan, barriz, herritarrak izango dira protagonista, Leioaren iragana, oraina eta etorkizuna, musikearen, dantzearen eta herri-ekimenen bidez ospatzeko. Iban Rodriguez alkateak Bizkaian Irratian esan dauanez, urteurrenak herri-nortasuna indartzeko eta herritarren arteko kohesinoa sendotzeko balio izan dau. Leioak azken bost mendeotan izan dauan bilakaerea nabarmendu dau Iban Rodriguezek. Herri txiki izatetik, azpiegitura sendoak daukazan udalerri modernoa izatera pasau da, alkatearen esanetan. Auzo bananduak izatetik, herri bateratuagoa izatera. Hurrengo urteetarako erronken artean, alkateak herritarren arteko bizikidetza sendotzea eta udalerriaren nortasuna indartzea aitatu dauz. 500. urteurrenaren helburuetako bat, hain zuzen, leioaztarren arteko loturak estutzea izan da. Herriko alkarteek eta alkarte horreetako kideek ekarpen handia egiten deutse Leioari. Eta horregaitik, aurten protagonismo berezia emon deutse herriko alkarteei. GAUDE alkartearentzat Leioako Eguneko saria Urriaren 30ean (20:00etan) Leioa Eguna ospatuko dabe Artatza jauregian. Udalerriko alkarteak omenduko dabez bertan, eta Leioa Eguneko saria banatuko da. Aurten GAUDE alkarteak jasoko dau saria. Leioan errotutako alkartea da GAUDE, eta adimen-desgaitasuna daukien pertsonei eta euren familiei laguntzen deutse. Iban Rodriguezek alkarteak egiten dauan lana nabarmendu dau, baita herriko jardueretan eta ospakizunetan daukan parte-hartzea be. Alkatearen esanetan, GAUDEren jarduerak erakusten dau pertsona guztiek daukiela gizartean parte hartzeko aukerea, eta aniztasuna ez dala oztopo izan behar. Horregaitik, alkartearen lana aitortzeaz gain, gizarte inklusiboagoa eregiteko egiten dauan ekarpena nabarmendu dau. Urriaren 31n urterreneko ekitaldi handia Zapatuan, Leioak altxor bat dauka ekimena egingo dabe goizean. Ekimenaren bitartez, gaur egungo umeek eta euren familiek euren bizitzako oroitzapenak, argazkiak, ideiak, proposamenak eta ametsak gordeko dabez tuper baten, eta lurperatu egingo dabe, 25 urte barru berreskuratu ahal izateko. Parte hartu gura daben familiek Leioako Udalera jo behar dabe izena emoteko eta tuperra jasotzeko. Arratsaldean, musikea, dantzea eta herri-giroa nagusituko da. 20:00etatik aurrera, Kultur leioaren ondoko Errekalde plazan egingo da urteurreneko ekitaldi nagusia. Musika- eta dantza-emonaldiak buztartzen dauan ikuskizuna egingo da: Leioa Ikusezina. Ikuskizunaren amaieran, azken tuperrak modu sinbolikoan lurperatuko dira. 500 herritarrek parte hartuko dabe, Leioaren historiako urte bakotxeko pertsona bat irudikatuz.    

All episodes of Lau Haizetara

Settings

Display

Language

Decides which stations you see first on the home page.

History

Recently played stations and episodes and your latest searches are only stored in this browser.

Notifications

A short notice when a podcast you follow has a new episode. Turn off single podcasts with the bell on their page.

Account

Save favorites – in the app and on the website.

Keyboard shortcuts

/
Open search
Space
Play or pause
← →
In the player: back 15 s, forward 30 s (episodes) · in a row: next tile
↑ ↓
In a row: target within the tile
Home / End
In a row: first or last tile
Esc
Close window or menu
?
This overview
Now playing

Go to station page

Play next

    Add episodes with “Play next” – they play after the current episode.