Skip to content

Nationalfeierdag am Passé (B1)

June 23, 2026 · 5 min

Show notes

Wëllkomm zréck an der Poterkëscht!

Haut erzielt eis eng Persoun, wéi si gëschter Nationalfeierdag verbruecht huet, a vergläicht hire Programm mam leschte Joer.

Vill Spaass beim Nolauschteren!

-

Transkript:

A: Salut Marc! An, wat hues du gëschter Owend fir Nationalfeierdag gemaach?

B: Moie Sophie! Ma, ech hunn dëst Joer zur Ofwiesslung a mengem Duerf gefeiert.

A: Seriö? Ech hat gemengt, du géifs ëmmer an d’Stad goen.

B: Jo, dat stëmmt, normalerweis maachen ech dat och. D’lescht Joer hat ech zum Beispill Besuch vu Frënn aus dem Ausland. Ech war mat hinnen an der Uewerstad a mir hunn de ganzen Owend do verbruecht.

A: Wat hutt dir gemaach?

B: Fir d’éischt si mir e bëssen duerch d’Stad spadséiert. Et waren iwwerall vill Leit ënnerwee, an d’Stëmmung war super. Duerno hu mir dat grousst Freedefeier gekuckt.

A: O jo, d’Freedefeier an der Stad ass ëmmer impressionant.

B: Jo, et huet menge Frënn och gutt gefall. Duerno si mir nach op de Glacis gaang. Do hu vill international bekannt Museker an Dje gespillt, an et war gratis! Dat hu meng Frënn bal net gegleeft.

A: Jo, mir hu wierklech Chance. Ech war d’lescht Joer och do. Ech hunn d’Museker zwar net all kannt, mee et war awer flott, fir nei Musek z’entdecken. An et war eng gutt Ambiance, trotz e bësse Reen. Ech hu vill gedanzt.

B: Jo, mir och. Et war esou flott, datt mir eréischt moies fréi nees doheem waren!

A: Wow! A firwat bass du dëst Joer net an d’Stad feiere gaang?

B: Ech wollt et méi entspaant ugoen, a wollt emol gesinn, wat et esou bei mir am Duerf gëtt. Dofir sinn ech do bliwwen.

A: An, gouf et do och vill Feierlechkeeten?

B: Natierlech! D’Gemeng huet e Fest op der Duerfplaz organiséiert. Et waren och vill lokal Veräiner sur place, déi zum Beispill Grill- oder Gedrénksstänn haten.

A: Cool! Wat fir Iesse gouf dann zerwéiert?

B: Virun allem Gegrilltes, also Grillwurschten, Mettwurschten, Kotletten, Fritten… Mee och e puer vegetaresch Platë wéi Gromperekichelcher, an et gouf en asiatesche Foodtruck.

A: Wat fir Veräiner waren da present?

B: D’Fanfare aus dem Duerf huet gespillt, mee d’Scoute waren och do, esou wéi e puer Sportsclibb.

A: Du hues bestëmmt vill Kënneger gesinn.

B: Jo, e puer vu mengen Nopere waren do, an e puer aner Leit, déi een heiansdo begéint. Et war flott, esou konnt och och mat Leit schwätzen, déi ech eigentlech net oft gesinn.

A: Gouf et dann och en offiziellen Deel?

B: Jo, de Buergermeeschter huet eng kuerz Ried gehal. Duerno huet d’Gemeng en Éierwäin offréiert.

A: A jo, den traditionellen Éierwäin!

B: Genee. Mir hunn zesumme geprost, e bësse geschwat – et war wierklech flott.

A: Waren dann och vill jonk Leit do?

B: Jo, mee éischter méi spéit. Um 22 Auer huet en DJ op enger klenger Bün opgeluecht, an et hu vill Leit gedanzt. Et war natierlech net esou grouss opgezu wéi um Glacis, mee et war awer ganz flott.

A: A wéini waars de dës Kéier doheem?

B: Haha, net esou spéit. Ech war no Mëtternuecht am Bett.

A: Wat huet dir da besser gefall – Nationalfeierdag an der Stad oder am Duerf?

B: Éierlech gesot hu mir béid Feiere gutt gefall. An der Stad ass natierlech méi lass an e schéint Freedefeier, mee et sinn och immens vill Leit ënnerwee. Wann een dat net gär huet, ass et vläicht net sou flott. Am Duerf ass et méi gemitterlech, an et kann ee besser mat de Leit schwätzen.

A: Dat stëmmt. Da wënschen ech dir nach e schéinen Nationalfeierdag haut!

B: Merci gläichfalls!


All episodes of Poterkëscht vum INLL

Settings

Display

Language

Decides which stations you see first on the home page.

History

Recently played stations and episodes and your latest searches are only stored in this browser.

Notifications

A short notice when a podcast you follow has a new episode. Turn off single podcasts with the bell on their page.

Account

Save favorites – in the app and on the website.

Keyboard shortcuts

/
Open search
Space
Play or pause
← →
In the player: back 15 s, forward 30 s (episodes) · in a row: next tile
↑ ↓
In a row: target within the tile
Home / End
In a row: first or last tile
Esc
Close window or menu
?
This overview
Now playing

Go to station page

Play next

    Add episodes with “Play next” – they play after the current episode.