
Get ég sagt mig úr lýðræðinu án þess að segja mig úr samfélaginu?
Show notes
Ég hef sent dómsmálaráðuneytinu formlega fyrirspurn um hvort íslenskur ríkisborgari geti sjálfviljugur og varanlega afsalað sér kosningarétti án þess að missa ríkisborgararétt sinn.
Ég hef ekki lengur trú á lýðræðinu í þeirri mynd sem það birtist okkur í dag og hef tekið þá ákvörðun að standa utan pólitískrar þátttöku. En hvers vegna ætti ég ekki að geta gert þá ákvörðun formlega og lagalega bindandi?
Ég vil áfram greiða mína skatta, hlíta lögum og vera virkur samfélagsþegn. Ég vil einfaldlega ekki taka þátt í því pólitíska umboði sem kerfið byggir á.
Í þessum þætti Geimsýrunnar velti ég fyrir mér mörkum einstaklingsfrelsis, sjálfsákvörðunarréttar og lýðræðis.
Er rétturinn til að kjósa líka rétturinn til að hafna kosningaréttinum?
Skoðum allt, trúum engu.