
8#KOMPAKT - Iwwert eng aussergewéinlech Gebuert
Shownotes
En Noutruff kënnt an der Noutruffzentral 112 eran. Eng Famill mat enger héichschwangerer Fra ass ënnerwee an d’Spidol, mee d’Zäit geet net duer. D’Mamm bréngt d’Kand am Auto, op der Autobunn op d’Welt.
- Wéi geet d’Noutruffzentral CSU 112 a sou Fäll vir?
- Wéi eng onkonventionell Léisung haten d’Operateuren an dësem Fall?
- Wéi eng Roll hat den Officier Santé hei?
An dëser KOMPAKT-Episod erzielt eis den Andrea Salis, Officier Santé um CSU 112, vun dësem aussergewéinlechen Asaz, deen sech den 11. November 2026 hei am Land ofgespillt huet. Den Andrea hat deen Owend nämlech Schicht an der Noutruffzentral 112 a kann eis mathuelen an de Beruff vum Officier Santé a mat wéi enger Iddi si komm si fir der Famill schnellstméiglech ze hëllefen.