Pular para o conteúdo

E Kannerzëmmer ariichten (B1)

29 de setembro de 2026 · 5 min

Notas do episódio

Wëllkomm zréck an der Poterkëscht!

Haut héiere mir, wéi zwee Elteren iwwer d'Kannerzëmmer vun hirem Puppelche schwätzen.

Vill Spaass beim Nolauschteren!

-

E Kannerzëmmer ariichten (B1)

Mamm: Ech freeë mech scho richteg op eise klenge Butz.

Papp: Jo, ech freeë mech och. Mee mir mussen endlech d'Kannerzëmmer ariichten.

Mamm: Komm mir kucken eis Lëscht, déi mir gemaach hunn. Da vergiesse mir näischt.

Papp: Dat ass eng gutt Iddi. Wat brauche mir als éischt?

Mamm: Mir brauchen definitiv e Bett fir de Puppelchen.

Papp: Jo, an eng Matrass an e puer waasserfest Houssen, falls d’Pampers ausleeft.

Mamm: Effektiv! Mir brauchen och e Wéckeldësch.

Papp: Meng Schwëster huet nach e Wéckeldësch. Hatt sot, datt mir säi kënne kréien. Hatt an de Pit kréie jo keng Kanner méi.

Mamm: Dat ass super! Da musse mir keen neie kafen. Mir brauchen och nach onbedéngt sou eng speziell Poubelle fir d’Pamperssen, soss richt et net immens gutt am Zëmmer.

Papp: O, jo! Wéi ass et mam Bett? Solle mir en neit kafen?

Mamm: Mir ass et egal, et gëtt och gutt Second Hand Saachen.

Papp: Ech fanne Second Hand gutt, wann d'Bett nach sécher an an engem gudden Zoustand ass.

Mamm: Ech och. Da spuere mir alt do.

Papp: Wat steet nach op eiser Lëscht?

Mamm: E Kleederschaf fir seng Kleeder.

Papp: An e klengt Regal fir Bicher a Spillsaachen.

Mamm: Jo, a vläicht och e gemittleche Stull.

Papp: E Stull fir hien oder fir eis?

Mamm: (laacht) E Stull fir eis. Wann ech zum Beispill stëllen oder wa mer him eng Geschicht virliesen.

Papp: Brauche mir och eng Luucht?

Mamm: Jo, eng kleng Nuetsluucht wier flott. Et gëtt speziell Luuchte fir Puppelcher, déi net ze vill liichten an de Bëbee beim schlofen net stéieren.

Papp: Jo, esou eng hunn ech schonn am Online-Shop gespäichert. So, e Babyphone däerfe mir och net vergiessen.

Mamm: Richteg.

Papp: Wou solle mir d'Bett histellen?

Mamm: Ech géif et nieft d'Fënster stellen.

Papp: Ech weess net. Do kënnt vill Sonn eran.

Mamm: Dat stëmmt. Da stelle mir et léiwer un déi aner Mauer.

Papp: Dat ass eng besser Iddi.

Mamm: De Wéckeldësch kënnt niewent d'Dier stoen.

Papp: Jo, do hu mir genuch Plaz.

Mamm: An de Kleederschaf kënnt an den Eck.

Papp: Perfekt. Da bleift nach vill Plaz an der Mëtt vum Zëmmer.

Mamm: Do kënne mir, wann e méi grouss ass, eng Spilldecke leeën.

Papp: Dat wäert eisem Jong sécher gefalen.

Mamm: Wat fir Faarwe wëlls du am Zëmmer hunn?

Papp: Blo!

Mamm: Ech wosst et.. Ech fannen dat sou typesch. Ech géing gär eppes Aneres maachen. Zum Beispill hellgréng an da kënne mer ee froen, fir eis e puer léif Biller vun Déieren ze molen.

Papp: O, jo, dat kléngt ganz schéin. Dem Gilles seng Fra mécht dat jo, mir kënnen hatt jo froen.

Mamm: Jo! Hatt mécht ganz flott Saachen.

Papp: Mengs de mir brauchen en Teppech?

Mamm: Jo, ech denke schonn, dann ass et och méi mëll ënner der Spilldecken. Mir kéinten och e puer Stären un de Plaffong pechen.

Papp: O, nee, dat fannen ech Kitsch. Vläicht kënne mir einfach eng kleng Girland iwwer d'Bett oder de Wéckeldësch ophänken.

Mamm: Stëmmt, dat kléngt méi gemittlech.

Papp: Wou kënne mir déi Saachen da kafen?

Mamm: Komm mir ginn de Weekend mol an dee Buttek zu Féiz kucken an dann decidéiere mir ob mir et sur place oder online kafen.

Papp: Du hues Recht. Mir kënne jo och mam Buttek kucken, wéi dat funktionéiert, fir eng Wonschlëscht bei hinnen ze maachen, da kënnen eis Frënn a Famill sech do eppes eraussichen, wat se eis schenke sollen.

Mamm: Jo voilà, well mir brauche jo awer nach genuch Saachen, wéi eng Poussette, e Stull, eng Dro an ech si mir sécher, wa mir bis am Buttek sinn, dass eis dann nach aner Saachenafalen.

Papp: Bestëmmt! Ech géing just net iwwerdreiwen, well dono steet eis Wunneng voll mat Saachen, wéi dee Klenge mol net brauch.

Mamm: Jo, du hues Recht. Dat wëll ech och net.

Todos os episódios de Poterkëscht vum INLL

Configurações

Exibição

Idioma

Define quais estações você vê primeiro na página inicial.

Histórico

As rádios e episódios ouvidos recentemente e suas últimas buscas ficam só neste navegador.

Avisos

Um aviso rápido quando um podcast que você segue tem um episódio novo. Desative podcasts individuais pelo sino na página deles.

Conta

Salve favoritos – no app e no site.

Atalhos de teclado

/
Abrir busca
Espaço
Reproduzir ou pausar
← →
No player: voltar 15 s, avançar 30 s (episódios) · na fileira: próximo bloco
↑ ↓
Na fileira: alvo dentro do bloco
Home / End
Na fileira: primeiro ou último bloco
Esc
Fechar janela ou menu
?
Esta visão geral
Tocando agora

Ir para a estação

A seguir

    Adicione episódios com “A seguir” – eles tocam depois do episódio atual.