Tilveran

Í þessum þætti fékk ég sálfræðinginn og heilsugúrúinn Röggu Nagla til þess að ræða við mig um hvað best væri að gera til þess að koma sér á beinu brautina í hreyfingu og næringu. Við ræddum einnig um stórborgarást hennar, æskuárin og ýmislegt fleira.

Í þessum þætti fékk ég Karen Ösp Friðriksdóttur til þess að tala við mig um Endómetríósu, krónískan bólgu- og verkjasjúkdómu sem hefur áhrif á milljónir kvenna um allan heim.

Þátturinn er í boði Venju og sjallforritsins Íslenskar krossgátur.

Í þessum þætti fékk ég listakonuna Helenu Reynis til þess að tala við mig um listamannalífið, hvaðan hún fær innblástur, hvernig hún kemur sér að verki þegar hún nennir því ekki, andlegu ofbeldi sem hún varð fyrir af hendi fyrrum kærasta og nýlegum fósturmissi.

Þátturinn er í boði Venju.

Í þessum þætti fékk ég Ólöfu Helgu Pálsdóttur, körfuboltakonu og Grindvíking með meiru, til þess að ræða við mig um körfuboltaferilinn, brjóstakrabbameinið, skilnaðinn og hvernig það var að þurfa að yfirgefa sinni heimabæ eftir eldumbrot. Einnig ræddum við sjálfseflingu og mikilvægi þess að verða ekki fórnarlamb aðstæðna.

Í þessum þætti fékk ég Anítu Ósk Georgsdóttur til þess að ræða við mig um Bipolar-greininguna og hvernig henni hefur tekist að fóta sig í lífinu á ný. Aníta Ósk heldur úti samfélagsmiðlinum Hennar heimur á Instagram og TikTok þar sem hún deilir sinni reynslu.

Í þessum þætti fékk ég Ástu Hafþórsdóttur, leikgervahönnuð, til þess að ræða við mig um bransann hérlendis og erlendis, ævintýraþrána sem alltaf hefur blundað í henni og því þegar henni tókst að breyta kerfinu og verða fyrsta einstæða konan hérlendis til þess að gangast undir frjósemismeðferð.

Í þessum þætti fékk ég Ásthildi Ómaríudóttur, eiganda og framkvæmdastýru framleiðslufyrirtækisins Míósak Multimedia, til þess að ræða við mig um ADHD konur, útvíkkun þægindahringsins, jákvæð líkamsímynd, neikvæð áhrif áfengis, og mikilvægi þess að halda uppi jákvæðri orku.

Í þessum þætti fékk ég Söru Barðdal, heilsumarkþjálfa og eiganda Sjálfsins heilsuseturs, til þess að tala um foreldramissinn, áfallaúrvinnsluna, óheilbrigð sambönd, heilsuferðalagið, tantra, lífsorkuna og hið magnaða meðferðarúrræði sem 9D öndunarferðalagið er.

Í þessum þætti fékk ég Valdimar Þór Svavarsson, eiganda ráðgjafaþjónustunnar Fyrsta skrefið, til þess að ræða við mig um hinar margslungnu hliðar meðvirkni. Valdimar heldur einnig úti hinu vinsæla hlaðvarpi Meðvirknipodcastið.

Í þessum þætti fékk ég Bjargeyju Ingólfsdóttur, Yin Yoga kennara og fararstjóra, til þess að tala við mig um þriðju vaktina, hugræna byrði, heilsubrestinn, tækifæri breytingaskeiðsins, nýtt upphaf, tvíkynhneigð og hinn óútreiknanlega íslenska deitmarkað.

Í þessum þætti fékk ég Írisi Líf Stefánsdóttur, eiganda Accounta bókhaldsþjónustu, til þess að ræða við mig um hugtakið Digital nomad, lucky girl syndromið sem hún segir elta sig, fjáhagslegt frelsi, nískuna og mikilvægi sjálfstrausts.

Í þessum þætti fékk ég Vigdísi Diljá Óskarsdóttur, stjórnanda samskipta- og samfélagsmála hjá Alcoa Fjarðaáli, til að tala við mig um hvernig það er að vera klassísk ADHD-stelpa, álheiminn, starfsferilinn, samfélagsmiðlana, móðurhlutverkið og hversu gott það er að búa á landsbyggðinni.

Í þessum þætti fékk ég Berglindi Guðmundsdóttur, hjúkrunarfræðing, markþjálfa og gusumeistara, til þess að tala við mig um tækifærin, alla framtakssemima, breytingaskeiðið, veikindi foreldra, gjaldþrotið, ferðalögin og nýjasta hluta starfsferilsins, stjórnmálin. Berglind heldur úti hinum vinsæla instagramreikning, Lífsgleðinni.

Í þessum þætti fékk ég Halldóru Skúladóttur hjá Kvennaráðum til þess að ræða við mig um breytingaskeiðið, mikilvægi hormónauppbótarmeðferðar, streitu, andlega vanlíðan, sjálfsmildi og það hversu mikilvægt fyrir konur á miðjum aldri er að huga að réttu mataræði og hreyfingu.

Í þessum þætti fékk ég Unni Elísabetu Gunnarsdóttur, leikstjóra, sviðshöfund og tónlistarkonu, til þess að ræða við mig um gleðilykla, dans, hugleiðslu, það hvernig við hækkum tíðnina og að hún sér stundum það sem við hin sjáum ekki.

Í þessum þætti fékk ég Guðrúnu Hafþórs, markþjálfa, til þess að tala við mig um veikindi sem hún lenti í vegna myglu, flókið föðursamband, föðurmissinn, breytingaskeiðið og það hversu flókið það getur verið að vera fullorðin manneskja.

Í þessum þætti fékk ég Önnu Sigurðardóttur, eiganda Samkenndar heilsuseturs, til þess að ræða um örmögnun, barnsmissinn, heilsubrestinn í kjölfarið, líkamlega verki, sjálfsuppbyggingu og mikilvægi samkenndar í eigin garð.